Tuesday, July 25, 2006

Ankamantawan k'ankamantawan


Ankamantawan K’ankakunamantawan

Iskay k’ankakunas wallpakunamanta maqakunakusqaku, chaysi hukniq kaq huch’uy k’ankachata mancharqachin.
Manchachisqa K’ankachaqa ch’apraq ukhuman utqhaylla pakakuq rin. Hatun K’ankataq wallpakuna uyarinanrayku rumi pirqa patataman wicharquspa, tukuy kallpanwan takiykun:

– ¡kikirikiiiiiiii! ¡Kikirikiiiiiii! ¡Kikirikiiiiiiiii! – qasqunta p’unkiykachisparaq.
Chinpa urqukunapi tiyaq machu ancaqa, k’ankaq takiyninta uyurirqamun pacha. Ankaqa qhunqayllamanta ch’ikmispa takiq k’ankataqa lliw sillunkunawan wañuñankama k’apirqapun.
Chay p’unchaymanta pacha, huch’uy k’ankachaqa llapan wallpakunawan qhipakun, chiwchichakunanpis ch’arachallañas lliw wallpakunaq runtunmanta lluqsimun.

Pipis llallisqanwan aswanta runayayta munan chayqa, qhunqayllamantan huk llalliqnin riqurimun.

T’ikraq ruraq: Miguel Ángel Pinto Tapia. / Fábula: El águila y el gallo.

0 Comments:

Post a Comment

<< Home