Tuesday, July 25, 2006

Atuq tinya wiksayuqmanta

Atuq tinya wiksayuqmanta

Huk yarqasqa atuqsi puka t’asta k’ullun ukhunpi aycha mikhunata, hank’atawan ima tarikusqa, waka michiq irqichakuna pakakusqankuta. Atuqqa aychata, hank’atakunata utqhayllataña mikhuykun, waqunpis utinankama, wiksanpis tinya tinya hina mat’i qhipanankama. Tukuy mikhuykunata tukurquspa t’asta sach’aq sunqu t’uqunmanta lluqsimun, chaysi, atuqqa umallantas urquyta atimun, ñataq tinta tinya wiksanqa aswan hatun t’uquq siminmantaqa qhiparqusqa:

– ¡Akakaw! ¡akakaw! Tinya tinta wiksachallay anchata mkhusqaymanta p’unkirqusqa – nispa atuqchaqa llakillataña qaparqachayun.

– ¡Ha, ha, ha, ha! Raqrapu atuq ¿Imaraykutan chay hinatari mikhurqurankiri? Chay t’uqumantaqa charchayaspaykiñan lluqsiyataqa atimunki – nispa nin atuq masinqa. .

Ch’aqwamantaqa sunqunchista llanp’uyachispan lluqsimusun.

Tikraq ruraq: Miguel Ángel Pinto Tapia.

0 Comments:

Post a Comment

<< Home