Wednesday, July 26, 2006



Intip Churin

Ñuqan kani Intip Churin, taytallaysi kachamuwan.
Ñuqan kani Intiq wawan, taytallaysi kamachiwan.
Taytallaysi kachamuwan, runaykunata maskamuy nispa.
Taytallaysi kamachiwan, runasimita yachachiy nispa.

Inka wawa ñuqa hina, may llaqtapin waqachkanki.
Intip churin ñuqa hina, waqyayniyta uyariway.
Waqyayniyta uyarispa, taytanchikwan kutirimuy.
Waqyayniyta uyarispa, ayllunchikwan kutirimuy.

Taytallaysi kachamuwan, runaykunata yachachiy nispa.
Ama suwa, ama qilla, ama llulla, ama llunk’u,
Ama suwa, ama qilla, allin kawsaypi tiyananchikpaq.
Ama llulla, mana chinkakunanchikpaq.

Inka runa mana piniyuq, makillayta hap’iykuway.
Inka wawa mana mayniyuq, kayman hamuy kay ñuqawan.
Makillayta hap’iqtiyki, taytanchikman pusasqayki.
Kay ñuqawan hamuqtiyki, runa simita yachachisqayki.

Wañuylla, wañuy wañucha, amaraq aparuwaychu.
Karuraqmi puririnay, runaykunatan maskani.
Karuraqmi puririnay, runa simitan yachachinay.

¡ Uywachikuy, uywaysikuy!

Ruraq: Yachachiq Miguel Ángel Pinto Tapia

0 Comments:

Post a Comment

<< Home